एजेन्सी । तीन वर्षअघि भएको प्रजातन्त्रवादी आन्दोलनमा सहभागी भएका तीनजनालाई हङकङ प्रहरीले पक्राउ गरेको छ ।

प्रहरीका अनुसार पक्राउ परेका तीनजना मानिसहरु १५ देखि १९ वर्षको रहेका छन्।

आज तीन वर्षअघि भएको प्रजातन्त्रवादी आन्दोलनको तीन वर्ष पुगेको अवसरमा उक्त आन्दोलनमा सहभागी तीनजना पक्राउ परेका हुन् ।

अहिले पक्राउ परेका तीनजनालाई अनुचित गतिविधिमा संलग्न रहेको र आफ्नो पहिचान लुकाउने प्रयास गरेको आरोप लगाइएको छ । त्यस्तै अन्य १० जनालाई भेला जम्मा गर्नमा लगाइएको प्रतिबन्ध उल्लंघनको आरोपमा अदालतमा बोलाइएको छ।

हङकङमा प्रजातन्त्रवादी आन्दोलन चर्किएसँगै चीनले राष्ट्रिय सुरक्षा कानुन ल्याएको थियो । सोही कानुनअन्तर्गत अहिले चीनमा धेरै प्रजातन्त्रवादी नेताहरु पक्राउ परिरहेका छन् ।