रामनारायण यादव / जनकपुरधाम । प्रदेश नम्वर २ सरकारले जनलोकपाल आयोगमा पदाधिकारी नियुक्त गरेका छन् । आयोगको अध्यक्षमा रौतहटका राम सहाय राय यादवलाई नियुक्त गरिएको छ ।

त्यसैगरि प्रदेश सरकारले आयोगको सदस्यहरुमा जनकपुरका पुर्व जिविसका वरिष्ठ इन्जिनियर राजकिशोर साह र महोतरी गोनरपुरकी शोभा कुमारी महतोलाई चयन गरेको छ ।

तीनैजनालाई प्रदेश २ का प्रदेश प्रमुख हरिशंकर मिश्रले नियुक्ती पत्र प्रदान गरेका छन् । सो अवसरमा प्रदेश २ का मुख्यमन्त्री लालबाबु राउत, सभामुख सरोजकुमार यादव र उपसभामुख उपमा देव, मुख्यन्यायधिवक्ता दिपेन्द्र झा सहितको उपस्थिती रहेको थियो ।