काठमाडौँ । राजपुर बमकाण्ड तथा ईंटा भट्टामा जिउँदै मान्छे जलाएको आरोपमा पुर्पक्षका लागि थुनामा रहेका प्रतिनिधिसभाका निलम्बित सांसद तथा पूर्वमन्त्री महम्मद अफताब आलमविरुद्धको मुद्दामा आज हुने भनिएको सुनुवाइ सरेको छ ।

यसअघि शुक्रबार उक्त मुद्धाको सर्वोच्च अदालतका न्यायाधीशहरु दीपककुमार कार्की र हरिप्रसाद फुयाँलको इजलासमा सुनुवाइ हुनेगरी पेशी तोकिएको थियो। तर, मुद्दा हेर्न नमिल्ने हुँदै सुनुवाइ सरेको हो।

यसअघि आलमले जिल्ला र उच्च अदालतको आदेशबिरुद्ध सर्वोच्च अदालतमा मुद्दा दायर गरेका थिए ।

नेपाली कांग्रेसका नेता आलमलाई चुनावमा विष्फोटक पदार्थ र बमको प्रयोग गरेर ज्यान लिएको र ज्यान मार्ने उद्योग गरेको कसुरमा जिल्ला र उच्च अदालतले पुर्पक्षका लागि थुनामा राख्ने आदेश गरेको थियो । सो आदेशविरुद्ध आलम सर्वोच्च गएका थिए।

हाल उनी नख्खु कारागारभित्र थुनामा रहेका छन्।