संखुवासभा । जिल्ला प्रहरी कार्यालय संखुवासभाले एक थान भरुवा बन्दुकसहित एक जनालाई पक्राउ गरेको छ।
पक्राउ पर्नेमा जिल्लाको पाँचखपन नगरपालिका-५ खमारे बस्ने राम वहादुर राई रहेका छन् ।
उनलाई १ थान भरुवा बन्दुकसहित मंगलबार बिहान प्रहरीले पक्राउ गरेको हो ।
राईले भरूवा बन्दुक लुकाई राखेको भन्ने खबर प्राप्त हुनासाथ जिल्ला प्रहरी कार्यालय संखुवासभा र ईलाका प्रहरी कार्यालय वानाबाट खटिएको प्रहरीले राईको घर तलासी गर्दा उक्त बन्दुक फेला पारेको हो।
यस सम्बन्धमा प्रहरीले थप अनुसन्धान गरिरहेको जनाएको छ।
Leave a Reply