काठमाडौं । देशभर पछिल्लो २४ घण्टामा नेपालमा २५४ जना कोरोना संक्रमित थपिएका छन् । ६ हजार २६८ जनामा पीसीआर परीक्षण गर्दा २४२ जनामा र २ हजार ४१४ जनामा एन्टीजेन परीक्षण गर्दा १२ जनामा संक्रमण देखिएको हो ।
स्वास्थ्य तथा जनसंख्या मन्त्रालयका अनुसार योसँगै नेपालमा पीसीआर विधिबाट गरिएको परीक्षणअनुसार कोरोना संक्रमितको संख्या ८ लाख २४ हजार २२२ पुगेको छ । एन्टिजेन विधिद्वारा गरिएको परीक्षणमा हालसम्म ९ लाख ५ हजार ७८२ पुगेको छ ।
२४ घण्टामा २३४ जना संक्रमणमुक्त भएका छन् । नेपाल कोरोना निको हुने दर ९७.९ रहेको मन्त्रालयको तथ्यांकमा उल्लेख छ ।
आइतबार १ जना मृतक थपिएसँगै नेपालमा कोरोना संक्रमणबाट मृत्यु हुनेको संख्या ११ हजार ५५४ पुगेको छ । सक्रिय संक्रमितको संख्या ५ हजार ८९० रहेको छ । २४ घण्टामा ६९ हजार ५८० जनाले खोप लगाएको मन्त्रालयले जनाएको छ ।
Leave a Reply