एजेन्सी । बलिउड अभिनेता सलमान खानलाई सर्पले टोकेको छ ।

भारतीय सञ्चारमाध्यमहरुका अनुसार क्रिसमस मनाउनका लागि परिवारसित पानभेल फार्म हाउस गएका बेला उनलाई सर्पले टोकेको हो।

आइतबार बिहान साढे ३ बजे उनलाई सर्पले टोकेको भारतीय सञ्चारमाध्यमहरुले जनाएका छन् । लगत्तै उनलाई मुम्बईस्थित एमजीएम अस्पताल भर्ना गरिएको थियो ।

बिहान साढे ९ बजे उनलाई अस्पतालले डिस्चार्ज दिएको छ । उनलाई अविषालु सर्पले टोकेको थियो ।

रिपोर्टका अनुसार अहिले उनको अवस्था सामान्य रहेको छ।