काठमाडौं । रौतहटमा जन्ती बोकेको भारतीय नम्बर प्लेटको कार दुर्घटना हुँदा पाँच जनाको मृत्‍यु भएको छ । साथै तीन जना घाइते भएका छन्।

जिल्ला प्रहरी कार्यालय रौतहटका अनुसार सदरमुकाम गौरबाट चन्द्रनिगाहपुरतर्फ जाँदै गरेको भारतीय बीआर०५पीए ६९५३ नम्बरको कार दुर्घटना हुँदा पाँच जनाको मृत्‍यु भएको हो।

प्रहरीका अनुसार मृतको पहिचान खुल्‍न सकेको छैन । कारमा ८ जना सवार रहेको प्रहरीले जनाएको छ ।

घटनाबारे अनुसन्धान भइरहेको प्रहरीले जनाएको छ ।