एजेन्सी । भारतस्थित जम्मू कश्मीरमा नयाँ वर्षका दिन श्रद्धालुको भीडका कारण भगदौडमा १२ जनाको मृत्यु भएको छ भने २० जना घाइते भएका छन्।

समाचार एजेन्सी एएनआईका अनुसार, यो दुर्घटना त्रिकुटा पहाडस्थित माता वैष्णो देवी मन्दिरको गृर्भगृहको बाहिर भएको हो ।

जम्मूकश्मीरको डीजीपी दिलबाग सिंहका अनुसार कटरास्थित देवी मन्दिर परिसरमा १२ जनाको मृत्यु भएको हो र कयौं मानिस घाइते भएका छन्।

यो दुर्घटना विहान २ बजेर ४५ मिनेटमा भएको थियो ।