काठमाडौँ । महानगरीय अपराध महाशाखाले बैंकिङ कसुर मुद्दाका फरार आरोपीलाई पक्राउ गरेको छ ।

पक्राउ पर्नेमा लमजुङ जिल्ला मर्स्याङदी गाउँपालिका-३५ घर भइ हाल काठमाडौँ बाँसबारी बस्ने ५२ बर्षीय प्रेमबहादुर गुरुङ रहेका छन् ।

महाशाखाद्वारा उच्च अदालत पाटनको विसं २०७५ माघ २९ गतेको फैसलापछि ५ दिन कैद र बिगोबमोजिम १० लाख जरिवानापछि फरार रहेका उनी मंगलबार दिउँसो चक्रपथबाट पक्राउ परेका हुन्।

पक्राउ परेका गुरुङलाई फैसला कार्यान्वयनको लागि जिल्ला अदालत काठमाडौँमा उपस्थित गराइएको महाशाखाले जनाएको छ।