काठमाडौं । नेकपा एमाले नेता भीम रावलले अमेरिकी परियोजना मिलेनियम च्यालेन्ज कर्पोरेसन (एमसिसी) लाई लिएर शीर्ष नेताहरूलाई अमेरिकी मन्त्रीले फोन गरेको विषयबारे यथार्थ जानकारी गराउन माग गरेका छन् ।

आज राति सामाजिक सञ्जालमार्फत नेता रावलले शीर्ष नेताहरूलाई अमेरिकी मन्त्रीले चेतावनी र धम्की दिएको विषयबारे यथार्थ जानकारी गराउन माग गरेका हुन् ।

यदि यसरी धम्की दिइएको भए एमसीसीसँगको सम्झौता नेपालको स्वाधीनता, हित र स्वाभिमानविरुद्ध भएको थप पुष्टि हुने उनको भनाइ छ ।

उनले लेखेका छन्,’शीर्ष नेताहरूलाई अमेरिकी मन्त्रीले चेतावनी र धम्की दिएको भन्ने खवर समाचार माध्यममा आएको छ। यसबारे शीर्ष नेताहरूले जनतालाई यथार्थ जानकारी गराउनु पर्छ। यदि यसरी धम्की दिइएको भए एमसीसीसंगको सम्झौता नेपालको स्वाधीनता, हित र स्वाभिमानका विरूद्ध भएको थप पुष्टि हुनेछ।’अनुदान’ मा धम्की ?!’

शीर्ष नेताहरूलाई अमेरिकी मन्त्रीले चेतावनी र
धम्की दिएको भन्ने खवर समाचार माध्यममा आएको छ। यसबारे शीर्ष नेताहरूले जनतालाई यथार्थ जानकारी गराउनु पर्छ।यदि यसरी धम्की दिइएको भए एमसीसीसंगको सम्झौता नेपालको स्वाधीनता, हित र स्वाभिमानका विरूद्ध भएको थप पुष्टि हुनेछ।’अनुदान’ मा धम्की ?!

— Dr. Bhim Rawal (@BhimRawal179) February 10, 2022