एजेन्सी । पेरिस सेन्ट जर्मेन (पीएसजी)ले फ्रेन्च लिग वानमा रेनसमाथि जित हासिल गरेको छ ।

गएराति भएको खेलमा पीएसजीले रेनसलाई १-० गोलले हराएको हो ।पीएसजीको जितमा दोस्रो हाफको इन्ज्युरी समयमा कायलिन एमबाप्पेले निर्णायक गोल गरेका हुन् ।

यससँगै लिग वानको अंक तालिकामा पीएसजीले १६ अंकको स्पष्ट अग्रता लिएको छ। लिग वानमा पीएसजीले २४ खेलबाट ५९ अंक जोडेको छ।

पीएसजीले अहिलेसम्म लिगमा १८ खेल जितेको छ भने ५ खेलमा बराबरीको नतिजा निकालेको छ। उसले केवल एउटा खेलमा हारको सामना गरेको छ।