काठमाडौं । अमेरिकी सहयोग परियोजना (एमसीसी) सम्झौताविरूद्ध हुने प्रदर्शनलाई लक्षित गरी संसद भवन वरपरको क्षेत्रमा सुरक्षा व्यवस्था कडा बनाइएको छ ।

पछिल्लो समय एमसीसीविरुद्ध विभिन्न दलहरूले दिनहुँ विरोध प्रदर्शन गर्न थालेपछि उक्त क्षेत्रको सुरक्षा व्यवस्था कडा बनाइएको हो । उक्त क्षेत्रमा ठूलो मात्रामा सुरक्षाकर्मी परिचालन गरिएको छ ।

यस्तै, संसद भवन अगाडिको सडकमा निषेधित क्षेत्र घोषणा गरेर प्रहरीले बार लगाएको छ । आज बस्ने संसद बैठकमा एमसीसी संसदबाट अनुमोदन गर्ने प्रस्ताव पेश हुने बुझिएको छ।

अर्को पनि पढ्नैपर्ने

एमसीसीबिरुद्ध विप्लवसहितका ६ बामपन्थी दल र २ मोर्चाले आज पनि प्रदर्शन गर्दै