काठमाडौं । स्थानीय निर्वाचनका लागि महानगरपालिका र उपमहानगरपालिकाको भागबन्डा टुङ्गो लगाउन सत्ता गठबन्धन बैठक आज पनि बस्दै छ ।

मंगलवार साढे ११ बजे बैठक बस्ने नेपाली कांग्रेसका नेता एवम् सरकारका प्रवक्ता ज्ञानेन्द्रबहादुर कार्कीले जानकारी दिए ।

५ दलीय गठबन्धनलाई आसन्न स्थानीय तह निर्वाचनका लागि महानगरपालिका र उपमहानगरपालिकामा तालमेल गर्न हम्मेहम्मे परिरहेको छ ।

उनले ६ वटा महानगरपालिका र ११ वटा उपमहानगरपालिकाका वडासमेतको वस्तुगत स्थितिको बारेमा बैठकमा छलफल भएको र मंगलबार त्यसलाई अन्तिम रूप दिने सहमति गरिएको बताए ।

सोमवार बिहान र साँझ गरी २ पटक बसेको बैठकमा सहमति जुट्न नसकेपछि मंगलवारका लागि पनि बैठक बोलाइएको हो ।