सिन्धुपाल्चोक । सिन्धुपाल्चोकमा खोला तर्ने क्रममा बुधबार साँझ एक जनाको मृत्यु भएको छ ।

मृत्यु हुनेमा जिल्लाको त्रिपुरान्दरी गाउँपालिका–४ बुसुन्डोलका स्थानीय अमित थामी रहेका छन् ।

मामाघरबाट तीज मनाएर आमा र बहिनीका साथमा फर्किदै गरेका थामीको खोला तर्ने क्रममा पहिरोसँगै आएको ढुङ्गाले लागेर मृत्यु भएको जिल्ला प्रहरी कार्यालयका प्रहरी नायव उपरीक्षक शिव बुढाथोकीले जानकारी दिए ।

उनकी आमा र बहिनी भने सकुशल छन् ।