कैलाली । डाक्टर गोविन्द केसीको सुरक्षाका लागि सुरक्षाकर्मी खटाइएको छ । सोमबारदेखि विभिन्न माग राख्दै कैलालीमा अनसन शुरु गरेका डाक्टर केसीको सुरक्षाका लागि सो स्थानमा सुरक्षाकर्मी खटाइएको हो ।
डाक्टर केसीले अनसन सुरु गरेको श्रीकृष्ण मन्दिर धर्म सत्संग समितिको धर्मशाला भवनमा प्रहरी कार्यालयले प्रहरी सहायक निरीक्षक उत्तरसिंह साउदको कमाण्डमा तीन जनाको प्रहरी टोली सुरक्षाका लागि परिचालन गरेको हो ।
प्रहरी कार्यालय कैलालीका प्रवक्ता एवं प्रहरी नायव उपरीक्षक वेदप्रकाश जोशीले टोलीलाई चौबिसै घण्टा सुरक्षा दिनका लागि खटाइएको जानकारी दिए ।
डाक्टर केसीले धर्मशाला भवनको १०८ र १०९ नम्बरको कक्षमा बसेर सोमबारदेखि आफनो २०औं अनसन सुरु गरेका हुन् ।
Leave a Reply