हुम्ला। हुम्लामा पहिरोले घर पुर्दा ४ जनाको मृत्यु भएको छ भने ५ जना घाइते भएको छन् ।

जिल्लाको चंखेली गाउँपालिका-६ डयामबाडामा घरमाथिबाट खसेको पहिरोले मानवीर बिकको घर पुरिँदा एकैपरिवारको ४ जनाको मृत्यु भएको हो ।

प्रहरीका अनुसार मृत्यु हुनेमा ६० वर्षीया तुलसी विक, १२ वर्षीया हैजा बिक, ९ वर्षीया सुस्मिता विक, ७ वर्षीया बसन्त विक छन् ।

५ जना घाइतेको मेलसाय स्वास्थ्य चौकीमा उपचार भइरहेको जिल्ला प्रहरी कार्यालय हुम्लाले जनाएको छ ।