पाल्पा । पाल्पाको जोर्तेमा गुडिरहेको स्कार्पियोमाथि पहिरो खसेको छ ।

गुल्मीको तम्घासबाट बुटवलका लागि छुटेको लु १ ज ४६०० नम्बरको स्कार्पियो जोर्तेको उकालोमा पहिरोले पुरिएको हो । स्कार्पियोमा सवारमध्ये तीन जनाको मृत्यु भएको प्रहरीले जनाएको छ । अरु ८ जना घाइते भएका छन् ।

स्कार्पियोमा रहेका दुई पुरुष र एक महिलाको ज्यान गएको जिल्ला प्रहरी कार्यालय, पाल्पाले जनाएको छ ।

दुर्घटनामा घाइते भएका एक बालकसहित ८ जनालाई उपचारका लागि तानसेन पठाएको छ । दुर्घटनाको थप विवरण आउन बाँकी छ ।