काठमाडौं । उपनिर्वाचन अन्तर्गत इलाम र बझाङमा जारी मतदानको निर्धारित समय सकिएको छ।

आयोगले साँझ ५ बजेसम्मका लागि तोकेको मतदानको समय सकिएको हो।

इलामको प्रतिनिधि सभा क्षेत्र नम्बर २ र बझाङको प्रदेशसभा १(१)मा आज बिहान ७ बजेदेखि मतदान भएको थियो।

यसपछि बुथमा आउनेले मतदान गर्न पाउने छैनन्। लाइनमै रहेकाले भने मतदान गर्न पाउनेछन्।

मतदान सम्पन्न भएपछि सर्वदलीय छलफल राखेर मतगणनाको समय निर्धारण गरिन्छ।