एजेन्सी । भारतको गुजरातमा एउटा झोलुङ्गे पुल खसेको घटनामा नौं जना पक्राउ परेका छन् ।

घटनापछि प्रहरीले पुल सञ्चालन गर्ने ठेकेदार, मेनेजर, टिकट बिक्रेता र सुरक्षागार्डसमेत गरी नौ जनालाई पक्राउ गरी अनुसन्धान सुरु गरेको हो ।

मोरवी नगरपालिकाको स्वामित्वमा रहेको पुल औद्योगिक घरना ओरेवा ग्रुपले सञ्चालन गरिरहेको थियो ।

यस्तै झोलुङ्गे पुल खस्दा कम्तीमा एक सय ४१ जनाको ज्यान गएको छ । मोरबी सहरमा रहेको पुल खस्दा झन्डै चार सय जना मानिस मच्छु नदीमा खसेका र तीमध्ये एक सय ४१ जनाको ज्यान गएको बताइएको छ ।

एक सय ७७ जनाको उद्धार गरिएको छ । हराएकाहरूको खोजी भइरहेको छ । दुई सय ३० मिटर लामो पुल १९ औँ शताब्दीमा भारतमा बेलायतले शासन गर्दा निर्माण भएको थियो ।