एजेन्सी । गुजरातको मुख्यमन्त्रीमा भूपेन्द्र पटेल निर्वाचित भएका छन् । उनले सोमबार मुख्यमन्त्रीको शपथ लिएका हुन् ।

गुजरात बीजेपीका नयाँ विधायकहरूले हिजो भूपेन्द्र पटेललाई नेता चयन गरेका थिए । उनी दोस्रो पटक प्रदेशको मुख्यमन्त्री बनेका हुन् ।

भूपेन्द्र पटेल बाहेक १६ मन्त्रीले शपथ लिएका छन् । गुजरातको राजधानी गान्धीनगरमा आयोजित शपथ समारोहमा प्रधानमन्त्री नरेन्द्र मोदी पनि उपस्थित थिए ।

विधानसभा चुनावमा बीजेपीले १८२ सिट मध्ये १५६ सिट प्राप्त गरेको थियो ।