एजेन्सी । रुसले युक्रेनका राष्ट्रपति भोलोदिमिर जेलेन्स्कीलाई अपराधीहरूको ‘वान्टेड’ सूचीमा राखेको छ ।

कथित अपराधीहरूको एक अनलाइन डेटाबेसमा जेलेन्स्कीलाई रुसी गृह मन्त्रालयको ‘वाञ्छित’ सूचीमा देखाइएको हो ।

यसमा थप विवरण नखुलाई युक्रेनी नेता ‘आपराधिक संहिताको धाराअन्तर्गत’ वाञ्छित रहेको उल्लेख छ ।

जेलेन्स्कीलाई वान्टेड सूचीमा किन समावेश गरियो भन्नेबारेमा रुसी अधिकारीहरूबाट तत्काल कुनै टिप्पणी आएको छैन ।

सन् २०२२ फेब्रुअरीमा आफ्नो सैन्य आक्रमणको सुरुआतपछि मस्कोले जेलेन्स्कीलाई निशाना बनाएको छ ।