कैलाली । आगामी मंसिर ४ गते हुने प्रदेश र प्रतिनिधि सभा सदस्यको निर्वाचनका लागि सुदूरपश्चिममा १७ हजार सात सय बढी सुरक्षाकर्मी खटाइएको छ ।
निर्वाचनको सुरक्षाका लागि ११ हजार ५ सय ५९ म्यादी र ६ हजार एक सय ६८ प्रहरी तैनाथ रहेको सुदूरपश्चिम प्रदेश प्रहरी कार्यालयले जनाएको छ।
सबैभन्दा बढी कैलालीमा म्यादी प्रहरी परिचालन गरिएको छ । जिल्लाभित्र हुने निर्वाचन सुरक्षाका लागि २ हजार ८ सय १२ म्यादी प्रहरी परिचालन गरिएको हो ।
प्रहरी प्रधान कार्यालय, निर्वाचन आयोग, जिल्ला प्रशासन कार्यालयको निर्देशनअनुसार सुरक्षा व्यवस्थाका लागि आवश्यक प्रबन्ध मिलाइएको जिल्ला प्रहरी कार्यालय कैलालीले जनाएको छ ।
Leave a Reply