मकवानपुर । मकवानपुरको हेटौंडा–१० राप्तीपुल नजिकै फेला परेको शंकास्पद वस्तुलाई नेपाली सेनाको बम डिस्पोजल टोलीले डिस्पोज ‘निस्कृय’ गरेको छ ।

प्रेसर कुकरसहित फेला परेको शंकास्पद वस्तुलाई शुक्रबार बिहान नेपाली सेनाको डिस्पोजल टोलीले डिस्पोज गरेको हो ।

फेला परेको शंकास्पद वस्तुमा कुनै पनि बिस्फोटक पदार्थ नभेटिएको प्रहरीले जनाएको छ ।

निर्वाचन नजिकिँदै गर्दा शंकास्पद रुपमा सडकमा प्रेसर कुकर देखेपछि स्थानीय त्रसित भएका थिए ।