काठमाडौं । प्रभु साह माओवादी केन्द्रमा प्रवेश गर्ने तयारी गरेका छन् ।

रौतहटको क्षेत्र ३ बाट स्वतन्त्र निर्वाचित सांसद साह मन्त्री पद पाए माओवादीमा प्रवेश गर्ने भएका हुन् । उनले माओवादी अध्यक्ष पुष्पकमल दाहाल ‘प्रचण्ड’ लाई प्रधानमन्त्रीमा समर्थ गरेका थिए ।

नेता साह मन्त्री बन्ने दौडमा रहेको बुझिएको छ । स्रोतका अनुसार साह कुन मन्त्रालय लिने बारे उच्चस्तरीय बैठकमा छलफल भइरहेको छ । डेढ वर्ष अगाडि माओवादी छाडेर नेता साह एमाले प्रवेश परेका थिए ।

एमालेले टिकट नदिएपछि उनी रौतहट ३ बाट स्वतन्त्र उम्मेदवार बनेका थिए ।