एजेन्सी । चुनावमा पराजित भएपछि ब्राजिलका राष्ट्रपति जायर बोल्सोनारोले देश छोडेका छन् ।
आफ्नो उत्तराधिकारीले शपथ लिनुभन्दा दुई दिनअघि नै बोल्सोनारो अमेरिका पलायन भएका हुन् ।
उनी स्थानीय समयअनुसार अपराह्न २ बजे वायु सेनाको विमानबाट अमेरिकाको फ्लोरिडाका लागि प्रस्थान गरेको बताइएको छ ।
अमेरिका पलायन भएसँगै बोल्सोनारोले नवनिर्वाचित राष्ट्रपतिको शपथग्रहण समारोहमा भाग नलिने निश्चित भएको छ ।
बोल्सोनारोले आफ्नो चुनावी हार स्वीकार गरेका छैन ।
बोल्सोनारो प्राविधिक रूपमा थप दुई दिनका लागि राष्ट्रपति भने रहिरहनेछन् । राष्ट्रपतिमा लुइज इनासियो लुला डा सिल्भा विजयी भएका छन् ।
Leave a Reply