एजेन्सी । ब्राजिलका सेना प्रमुख जनरल जुलियो सेजर डे अरुडा बर्खास्त भएका छन् ।

ब्राजिलमा यहि जनवरी ८ तारिखमा भएको संसद भवन, राष्ट्रपति भवन तथा सर्वोच्च अदालतमाथिको आक्रमण रोक्न प्रभावकारी भूमिका निभाउन नसकेको आरोपमा राष्ट्रपति लुइज इनासियो लुला दा सिल्भाले सेना प्रमुख अरुडालाई बर्खास्त गरेका हुन् ।

गत डिसेम्बर ३० मा सेनाको कमाण्ड सम्हाल्नु भएका सेनाप्रमुख अरुडालाई ३ हप्तामै पदबाट हटाइएको हो ।

राष्ट्रपति लुइजले सशस्त्र बलका सदस्य र प्रदर्शनकारीहरुसँग मिलेर देशमा हिंसा भड्काएको आरोप लगाउँदै यसअघि पनि थुप्रै उच्च पदस्थ अधिकारीहरुलाई बर्खास्त गरिसकेका छन् ।