कास्की । पोखरामा आइतबार बिहान भएको यति एयरलाइन्सको जहाज दुर्घटनाको खोजी कार्य राति पनि जारी राखिने भएको छ । जिल्ला प्रहरी कार्यालय कास्कीका अनुसार राति पनि बत्ती जडान गरी खोजी गर्न लागिएको हो।

उनका अनुसार जहाजमा रहेका ३ जना अझै बेपत्ता छन् । अहिलेसम्म ६९ जनाको शव फेला परेको र तीमध्ये ४७ जनाको शव गण्डकी अस्पतालमा पुर्‍याइएको छ ।

बाँकी २२ शव पनि अस्पतालमा पुर्‍याउने तयारी भइरहेको सिडिओ केसीले बताए। अहिले नेपाल प्रहरी, सशस्त्र प्रहरी बल र नेपाली सेनाका टोली खोजीमा खटिएका छन् । शव भेटिएकामध्ये ११ जनाको सनाखत भइसकेको छ ।

पोखराको विमानस्थल नजिकै सेती नदी खोँचमा यतीको ९एन–एएनसी एटीआर७२ जहाज दुर्घटना भएको थियो ।