कालीकोट । कालीकोटको खाँडाचक्र नगरपालिकाका मेयर र उमपेयरबीच सडकमै हात हालाहाल भएको छ ।

आन्तरिक विवाद चर्किएपछि उनीहरुबीच सडकमै हात हालाहालको अवस्था सिर्जना भएको हो ।

नगरपालिकाले भर्खरै खुलाएको विज्ञापनमा करारमा कसका कति कर्मचारी राख्ने र कसको पहुँच कति हुने भन्ने विषयमा मेयर कमलबहादुर शाही र उपमेयर गणेशबहादुर शाहीबीच विवाद भएको थियो ।

दुवै जनाले अडान नछोड्दा झडपको अवस्था आएको बताइएको छ ।

शुक्रवार राति अबेर सडकमै हात हालाहाल गरेका मेयर र उपमेयरले आज आइतवार बिहान ११ बजे फेरि नगरपालिका भवनबाहिर झगडा गरेका प्रत्यक्षदर्शीले बताएका छन् ।

मेयरले पुराना कर्मचारी सबै हटाउन नमानेका र उपमेयरले करारका सबै कर्मचारी हटाएर नयाँ विज्ञापन गर्नुपर्ने अडान लिएपछि झडप भएको बताइएको छ ।