काठमाडौं । नेपाली कांग्रेसका शीर्ष नेताहरुले विपक्षी दलको नेताबारे कानुन व्यवसायीहरुसँग छलफल गरिरहेका छन् ।

प्रधानमन्त्रीलाई विश्वासको मत दिएपछि कांग्रेस संसदीय दलका नेतालाई विपक्षी दलको नेता बनाउन नहुने माग गर्दै सर्वोच्च अदालतमा परेको रिटमा लिखित जवाफ मागिएको छ ।

सर्वोच्चमा लिखित जवाफ पठाउनुअघि कांग्रेस शीर्ष नेताहरु कानुनी परामर्शमा जुटेका हुन् । कांग्रेसले कानुन व्यवसायीको रायानुसार जवाफ पेस गर्ने गर्दैछ ।

संसदीय दलको कार्यालय, सिंहरदबारमा भइरहेको छलफलमा वरिष्ठ अधिवक्ता शम्भु थापा, शेरबहादुर केसी, रमन श्रेष्ठ, हरिहर दाहाल, खम्बबहादुर खाती लगायत छन् ।