काठमाडौं । उपप्रधानमन्त्री तथा गृहमन्त्री नारायणकाजी श्रेष्ठले सुरक्षा निकायलाई दबाव र चलखेलबाट मुक्त राख्ने बताएका छन् ।
मंगलबार गृह मन्त्रालयमा आयोजित पत्रकार भेटघाट कार्यक्रममा बोल्दै उपप्रधानमन्त्री श्रेष्ठले यस्तो बताएका हुन् ।
गृहमन्त्री श्रेष्ठले भने, ‘सुरक्षा निकायमा काम गर्ने साथीहरुको मनोबल गिर्यो, ममाथि निष्पक्ष व्यवहार भएन भन्न पर्यो भने मनोबल उठ्दैन । त्यसकारण सिस्टम स्थापित गर्ने र निष्पक्षताका आधारमा पदस्थापन, बढुवा र सरुवा गरिन्छ । अब सुरक्षा निकायलाई अवान्छित चलखेलबाट मुक्त राखिन्छ ।’
मन्त्री श्रेष्ठले सुरक्षा निकायलाई शक्ति केन्द्र र राजनीतिक दबावबाट मुक्त राख्ने बताए । सुरक्षा निकाय हाम्रो गौरव हुनुपर्ने भन्दै उनले सुरक्षा निकायमा निष्पक्षता कायम गर्ने बताए ।
गृहमन्त्री श्रेष्ठले भ्रष्टाचारको प्रभावकारी नियन्त्रणसहित सुशासन कायम गर्ने सरकारको पहिलो सर्त रहेको बताए ।
Leave a Reply