काठमाडौं । नेपाल किसान मजदुर पार्टीले नागरिकता विधेयक प्रमाणीकरण भएको विरोधमा प्रदर्शन गरेको छ ।

आइतबार पार्टीका सङ्गठनका नेता, कार्यकर्ताहरूले नागरिकता विधेयक प्रमाणीकरण संविधान विपरीत भएको भन्दै काठमाडौंमा विरोध प्रदर्शन गरेको हो ।

नेमकिपाले बिहान कोटेश्वरमा जम्मा भई जुलुस निकालेको हो । प्रदर्शनका क्रममा उनीहरुले नेपाली लेण्डुपहरु मुर्दावाद, देशभक्त नेपाली एक होऔँ, देशघाती नागरिकता विधेयक प्रमाणीकरण खारेज गर लगायतका नारा लगाएका थिए ।

राष्ट्रपति रामचन्द्र पौडेलले जेठ १७ गते नेपाल नागरिकता ऐन, २०६३ लाई संशोधन गर्न बनेको नागरिकता विधेयक प्रमाणीकरण गरेका थिए ।