काठमाडौं । नेपाली बजारमा मंगलबार पनि सुनको मूल्य दुई सय रुपैयाँले बढेको छ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १० हजार छ सय रुपैयाँले कारोबार भइरहेको छ ।

त्यस्तै, तेजाबी सुन प्रतितोला एक लाख १० हजार ५० रुपैयाँ निर्धारण भएको छ ।

मंगलबार चाँदीको मूल्य पनि तोलामा १० रुपैयाँले बढेर १३ सय ७५ रुपैयाँ कायम भएको छ । सोमबार चाँदीको मूल्य तोलाको १३ सय ६५ रुपैयाँ कायम रहेको थियो ।