काठमाडौं । त्रिभुवन अन्तर्राष्ट्रिय विमानस्थलबाट बरामद भएको सुनको परिमाण आज यकिन गरिने भएको छ ।
राजस्व अनुसन्धान विभागले बुधबार साँझ त्रिभुवन अन्तर्राष्ट्रिय विमानस्थलबाट करिब एक क्विन्टल सुन बरामद गरेको थियो । सुन ८० देखि १०० किलोको बीचमा रहेको अनुमान रहे पनि यकिन परिमाण आज सार्वजनिक गरिने राजस्व अनुसन्धान विभागले जनाएको छ ।
विभागले बुधबार विशेष सूचनाको आधारमा विमानस्थल भन्सार कार्यालयको जाँच पार गरेर सिनामंगल पुर्याइएको सुन बरामद गरेको थियो । भन्सारका कर्मचारीसँगको मिलेमतोमा मोटरसाइकल र स्कुटरको ब्रेक शुभित्र लुकाएर ल्याइएको सुन बुधबार जाँच पास गरिएको अनुसन्धानका क्रममा खुलेको छ।
स्रोतका अनुसार हङकङबाट ल्याइएको सुन भारततर्फ तस्करी गर्ने तयारी रहेको थियो । सुनसँगै दिलिप भुजेल, रामकुमार भुजेल, भन्सार राजेन्द्र राई ट्याक्सी चालक र थप दुई जनालाई पक्राउ गरिएको राजश्व अनुसन्धान स्रोतले बतायो ।
विमानस्थल पास भएर आएको उक्त सुन विमानस्थल भन्सार गेट अगाडिबाट ट्याक्सीमा हालेर लैजान लागेका बेला बरामद गरिएको थियो ।
Leave a Reply