काठमाडौं । नेपाली टोलीका अलराउन्डर सोमपाल कामीले भारतीय टोलीका प्रभावशाली खेलाडी विराट कोहलीको अटो ग्राफ लिएका छन् ।

सोमपालले आफ्नो जुत्तामा विराट कोहलीको अटो ग्राफ लिएका हुन् । त्यो तस्बिर सोमपालले सामाजिक सञ्जाल फेसबुकमार्फत सार्वजनिक गरेका छन् ।

सोमपालले सामाजिक सञ्जालमा लेखेका छन्, ‘विराट कोहली क्रिकेटर मात्रै होइनन्, उनी भावना हुन्।’

सोमपालले कोहली एक क्रिकेटर मात्रै नभएर भावना भएको बताए। एसिया कप क्रिकेटको सोमबारको खेलमा नेपाल र भारतको आमना सामना भएको थियो। जसमा नेपाल १० विकेटले पराजित भयो।

नेपालको एसिया कप सहभागिता केवल औपचारिकतामा सीमित रहे पनि प्रतियोगितामा नेपाली खेलाडीले उत्कृष्ट प्रदर्शन पनि गरेका थिए।