हेटौँडा। बागमती प्रदेशसभाका सभामुख भुवन कुमार पाठकले सर्वदलीय बैठक आह्वान गरेका छन् ।
प्रदेशसभा बैठक सञ्चालनका लागि सभामुख पाठकले आइतबार बिहान १० बजेका लागि सर्वदलीय बैठक बोलाएका हुन् ।
बैठक प्रदेशसभा सचिवालयमा नै बस्ने बागमती प्रदेशसभा सचिवालय हेटौँडाले जनाएको छ ।
पछिल्लो समय प्रदेशसभा बैठक सञ्चालनमा भइरहेको समस्या समाधानका लागि सभामुख पाठकले सबै दलहरूसँग छलफलको तयारी गरेका हुन् ।
उनले प्रदेशसभामा प्रतिनिधित्व गर्ने दलहरूका तर्फबाट दलका नेता, सचेतक तथा प्रतिनिधिहरूलाई उपस्थित हुन सूचना पठाएको सचिवालयले जनाएको छ ।
Leave a Reply