धनगढी । ईलाका प्रहरी कार्यालय मालाखेतीले अवैध रूपमा नदिजन्य वस्तु उत्खनन गरिरहेको अवस्थामा चार वटा ट्याक्टर नियन्त्रणमा लिएको छ ।

कैलालीको गोदावरी नगरपालिका ९ सेहरी र मुरकट्टी स्थित खुटिया खोलामा अवैध उत्खनन गरिरहेका ट्याक्टर इलाका प्रहरी कार्यालय मालाखेतीले नियन्त्रणमा लिएको हो ।

मंगलबार राति सवा २ बजेको समयमा अवैध रूपमा ढुंगा र बालुवा चोरी गरिरहेको अवस्थामा ट्याक्टरलाई नियन्त्रणमा लिइएको ईप्रका मालाखेतीको प्रमुख प्रहरी नायब उपरीक्षक गणेश बरालले बताए ।

बरालकाअनुसार भे १ त ६०२२, सु.प्र.प्र. ०१००२ त ५३१८, से १ त ७४९६, सु.प.प्र. ००२ त ५७६७ नम्बरको ट्याक्टर ईन्जन र ट्राली सहित र लु ५ त १३८७ नम्बरको ट्याक्टरको ट्राली मात्र नियन्त्रणमा लिइएकाे बताए ।

नियन्त्रणमा लिइएका ट्याक्टरमाथि अनुसन्धान गरेर आवश्यक कारवाही गरिने प्रहरीले जनाएको छ ।