एजेन्सी । अमेरिकी विदेशमन्त्री एन्टोनी ब्लिन्केनले चीनलाई मध्यपूर्वमा शान्ति कायम गर्न आफ्नो ‘प्रभाव’ प्रयोग गर्न आग्रह गरेका छन् ।

साउदी अरबको भ्रमणमा रहेका अमेरिकी उच्च कूटनीतिज्ञले चिनियाँ विदेशमन्त्री वाङ यीसँग एक घण्टा लामो टेलिफोन वार्ता गरेका हुन् ।

“द्वन्द्व फैलनबाट रोक्नु सबैको साझा हितमा हुन्छ,” ब्लिन्केनको रियादबाट अबुधाबीका लागि उडेको विमानमा पत्रकारहरूसँग कुरा गर्दै भने ।

आफूहरूले मध्यपूर्वमा शान्तिका लागि काम गरिरहेको उनले बताए । “चीनले आफ्नो प्रभाव प्रयोग गर्नसके यो उपयोगी हुन सक्छ भन्ने हो,” बिदेशमन्त्री ब्लिन्केनले भने ।