काठमाडौं । नेपाल प्रहरीका प्रहरी निरीक्षक (इन्स्पेक्टर) कैलाश लिम्बु ‘आउटडुअर’ प्रशिक्षणमा उत्कृष्ट भएका छन् ।

नेपालस्थित भारतीय दूतावासका अनुसार भारतको हैदराबादमा प्रशिक्षण लिएका उनलाई बीएसएफ ट्रफी प्रदान गरिएको हो ।

भारतको हैदाराबादस्थित सरदार बल्लभभाइ पटेल प्रशिक्षण केन्द्रमा उनी नेपालको तर्फबाट ‘आइपीएस’ प्रशिक्षार्थीको रुपमा रहेका छन् ।

लिम्बुलाई ‘आउटडुवर पासिङ आउट’मा उत्कृष्ट ठहरिएवापत अर्वाड प्रदान गरिएको दूतावासले जनाएको छ।
सोही प्रशिक्षण केन्द्रमा आयोजित ‘७७ आरआर पासिङ आउट’मा उनलाई अवार्ड प्रदान गरिएको थियो ।