विराटनगर । विराटनगरको कवाडी गोदाममा आगलागी हुँदा पाँच जना घाइते भएका छन्।

विराटनगर उपमहानगरपालिका–७ स्थित सातघुम्तीको कवाडी गोदाममा आज दिउँसो आगलागी हुँदा पाँचजना घाइते भएका हुन्।

घाइते भएका चार जनालाई न्यूरो अस्पतालमा र एक जनालाई कोशी अस्पतालमा उपचाररार्थ लगिएको छ।

घाइतेमध्ये चार जनाको उपचार विराटनगरस्थित न्युरो हस्पिटल र एकको कोशी अस्पतालमा उपचार भइरहेको मोरङ प्रहरीले जनाएको छ ।

विराटनगर महानगर, दुहबी र सुन्दरहरैँचा नगरपालिकाको दमकल स्थानीय र प्रहरीको सहयोगमा आगलागी नियन्त्रणको प्रयास भइरहेको प्रहरीले जनाएको छ ।

आगलागीको कारण अहिले खुलिनसकेको प्रहरीको भनाइ छ । घाइतेहरूको पहिचान पनि हुन सकेको छैन ।