काठमाडौं । गृहमन्त्री नारायणकाजी श्रेष्ठले बालकुमारी घटनामा सुरक्षा कमजोरी भएको स्वीकार गरेका छन् ।

संसदीय समितिको बैठकमा घटनाबारे जानकारी दिँदै गृहमन्त्री श्रेष्ठले उक्त कुरा स्वीकारेका हुन् ।

यसमा ईपीएस कार्यालय प्रमुखको भूमिका पनि सकारात्मक नभएको गृहमन्त्री श्रेष्ठको भनाइ छ ।

गृहमन्त्री श्रेष्ठले भने,‘इपीएस कार्यालय प्रमुखको भूमिका सकारात्मक देखिएन, रियाक्टिभ देखियो।’

गृहमन्त्री श्रेष्ठले फिल्डमा खटिएका प्रहरीको कमाण्डर, भौतिक पूर्वाधार मन्त्री प्रकाश ज्वालाका पीएसओ र इपीएस कार्यालय प्रमुखको भूमिकामा त्रुटि भएको आफूहरुको प्रारम्भिक बुझाइ रहेको बताए ।

त्यही भएर श्रम मन्त्रालयले उनलाई जिम्मेवारीबाट हटाइसकेको जानकारी गृहमन्त्री श्रेष्ठले बताए ।