काठमाडौँ । सशस्त्र प्रहरीका डीआईजी दीपेन्द्र शाहलाई यस वर्षको उत्कृष्ट बाहिनी अवार्डबाट सम्मानित भएका छन् ।

मधेश प्रदेशको छिन्नमस्ता बाहिनी मुख्यालय प्रमुख शाह उत्कृष्ट बाहिनी अवार्डबाट सम्मानित भएका हुन् ।

२३औं सशस्त्र प्रहरी स्थापना दिवसको अवसरमा हल्चोकमा आयोजित कार्यक्रममा प्रधानमन्त्री पुष्पकमल दाहाल ‘प्रचण्ड’ले डीआईजी शाहलाई उत्कृष्ट बाहिनी अवार्ड प्रदान गरे ।

सो क्रममा प्रधानमन्त्री प्रचण्डले सशस्त्र प्रहरी बलको सेवा, सुविधा वृद्धिको कामलाई सरकारले उच्च प्राथमिकतामा राख्ने बताए ।

सशस्त्र प्रहरी बलमा आबद्ध अधिकृत र जवानहरुका वृद्धि विकास र उनीहरुका लागि आवश्यक सामानहरुको उपलब्ध गराउने कामलाई सरकारले उच्च प्राथमिकतामा राख्ने उनको भनाई छ ।