जनकपुरधाम । राष्ट्रिय सभाका दुई सदस्य चयन गर्न मधेश प्रदेशमा पनि मतदा सुरु छ ।

मधेश प्रदेशको राजधानी जनकपुरधाममा बिहान नौ बजेदेखि मतदान जारी छ ।

राष्ट्रिय सभा निर्वाचनको दिन प्रभु साह नेतृत्वको आम जनता पार्टी (आजपा) ले गरेको मधेश बन्द घोषणाको आंशिक प्रभाव परेको छ ।

बन्दले राष्ट्रिय सभा निर्वाचनलाई असर गरेको छैन । मतदान शान्तिपूर्ण भइरहेको छ ।

बैंकहरुले लिएको मनोमानी ब्याज फिर्ता हुनुपर्ने, लघुवित्त र सहकारीबाट लिएको कर्जा माफी हुनुपर्ने र सर्वसाधारणलाई सहज कर्जा प्रवाह हुनुपर्ने लगायतका माग गर्दै आजपाले आज एक दिन मधेश बन्द घोषणा गरेको हो ।

बन्द सफल बनाउन भन्दै आजपाका नेता–कार्यकर्ताहरु सडकमा उत्रिएका छन् ।