पोखरा । गण्डकी प्रदेशका सभामुख कृष्ण धितालको कदमविरुद्ध नेपाली कांग्रेस अदालत जाने भएको छ ।
६० सदस्यीय गण्डकी प्रदेशसभामा आइतबार मुख्यमन्त्री खगराज अधिकारीले विश्वासको मत लिँदा ३० मत मात्र पाएका हुन् ।
जबकी संविधानको धारा १८८ (३) अनुसार सरकार टिकाउनको लागि ३१ सांसदको विश्वासको मत चाहिन्छ । तर, सभामुख धितालले भने आफ्नो मत सुरक्षित रहेको भन्दै अधिकारीले विश्वासको मत पाएको घोषणा गरे ।
यसका विरुद्धमा कांग्रेसले पत्रकार सम्मेलन गर्दै अदालत जाने बताएको हो । कांग्रेस संसदय दलका नेता सुरेन्द्रराज पाण्डेले सभामुखको कदम असंवैधानिक रहेको दाबी गरे ।
Leave a Reply