बाल सुधारगृहबाट दुईजना फरार, खोजीकार्य तीव्र !

अनलाइन नेपाल

मंगलवार , भाद्र ४, २०८१

विराटनगर । विराटनगरको बाल सुधार गृहबाट दुई बालक फरार भएका छन् । कर्तव्य ज्यान तथा डाँका र जबरजस्ती करणी (बलात्कार) मुद्दामा उनीहरू पुर्पक्षमा थिए ।

सुधारगृहभित्र रहेको विद्यालयमा अतिरिक्त क्रियाकलाप चलिरहेका बेला पर्खाल नाघेर दुवै जना भागेका हुन् ।

सुनसरीको कोसी गाउँपालिका–२ घर भएका एक बालक कर्तव्य ज्यान तथा डाँका र बराहक्षेत्र नगरपालिका–११ का अर्का बालक जबरजस्ती करणी मुद्दामा पुर्पक्षमा थिए ।

उनीहरूको खोजी तीव्र पारिएको बाल सुधार गृहका प्रमुख मिलन चौहानले जानकारी दिए । ५० जनाको क्षमताको बाल सुधार गृहमा २३८ जना रहेका छन् ।

प्रतिक्रिया दिनुहोस्

नयाँ अपडेट

थप नयाँ अपडेट

झाडीमा लुकाइएको अवस्थामा ६ नाल भरुवा बन्दुक फेला