Jul 02 2026 | २०८३, आषाढ १८ गते
02 Jul 2026 | बिहिवार, आषाढ १८ गते २०८३
बिहिवार, आषाढ १८ गते २०८३
Jul 02 2026 | २०८३, आषाढ १८ गते
02 Jul 2026 | बिहिवार, आषाढ १८ गते २०८३
शनिवार , कार्तिक ३, २०८१
काठमाडौं । नेकपा (माओवादी केन्द्र) का अध्यक्ष पुष्पकमल दाहाल 'प्रचण्ड'ले आधुनिक चीनको विकासबाट नेपालले धेरै सिक्न चाहेको बताएका छन् ।
नेपाल भ्रमणमा रहेको चिनियाँ कम्युनिष्ट पार्टीको प्रतिनिधिमण्डलसँग शनिबार खुमलटार निवासमा भेटवार्ता गर्दै उनले सो कुरा बताएका हुन् । उनले चीनले गरेको विकास नेपालका लागि ठूलो सिकाइ भएको बताए ।
नेपालको विकासका लागि देखाउँदै आएको तत्परताका लागि चीन सरकार, चिनियाँ कम्युनिष्ट पार्टी र महासचिव सी जिङपिङलाई धन्यवाद ज्ञापन गर्दै अध्यक्ष दाहालले सन् २०१९ को उनको भ्रमण ऐतिहासिक रहेको बताए ।
उनले उच्चस्तरीय भ्रमणका बेलामा भएका सबै समझदारी कार्यान्वयन गर्नुपर्नेमा जोड दिए । चिनियाँ प्रतिनिधिमण्डलको नेतृत्व गरेर आएका चिनियाँ कम्युनिष्ट पार्टीका केन्द्रीय सदस्य एवं छिङहाई प्रान्तका सेक्रेटरी छेन् गाङ्गले दुई देशबीचको मित्रता अझै बढाउनुपर्ने बताए ।
पहिलोपटक नेपाल भ्रमणमा आएका उनले चीन नयाँ विकासको चरणमा रहेकाले नेपालले पनि चिनियाँ विकासको लाभ लिनसक्ने बताए ।
भेटवार्तामा माओवादी केन्द्रको तर्फबाट वरिष्ठ उपाध्यक्ष नारायकणकाजी श्रेष्ठ, उपाध्यक्ष पम्फा भुसाल, उपमहासचिवद्वय जनार्दन शर्मा र शक्तिबहादुर बस्नेत, केन्द्रीय सदस्य गंगा दाहालको सहभागिता थियो।
चिनियाँ प्रतिनिधिमण्डलको तर्फबाट चिनियाँ कम्युनिष्ट पार्टीका केन्द्रीय सदस्य एवं छिङहाई प्रान्तका सेक्रेटरी छेन् गाङ्ग, नेपालस्थित राजदूत छन् सोश्रललगायतको उपस्थिति थियो।
© 2026 All right reserved to onlinenepal.com
Design & Developed By
