Jul 02 2026 | २०८३, आषाढ १८ गते
02 Jul 2026 | बिहिवार, आषाढ १८ गते २०८३
बिहिवार, आषाढ १८ गते २०८३
Jul 02 2026 | २०८३, आषाढ १८ गते
02 Jul 2026 | बिहिवार, आषाढ १८ गते २०८३
बिहिवार , आषाढ १८, २०८३
काठमाडौं । दुई गोलको अग्रता जोगाउन नसक्दा सेनेगल फिफा विश्वकपबाट बाहिरिएको छ । रोमाञ्चक प्रतिस्पर्धामा बेल्जियमले अतिरिक्त समयको अन्तिम क्षणमा पेनाल्टीमार्फत गोल गर्दै ३–२ को नाटकीय जित निकालेको हो ।
खेलको २४औँ मिनेटमा हबिब डियराले गोल गर्दै सेनेगललाई अग्रता दिलाएका थिए। त्यसपछि ५४औँ मिनेटमा इस्माएला सारले अर्को गोल थपेपछि सेनेगल २–० ले अघि बढेको थियो।
तर खेलको अन्तिम चरणमा बेल्जियमले शानदार पुनरागमन गर्यो। ८५औँ मिनेटमा रुमेलो लुकाकुले गोल गर्दै अन्तर घटाए भने त्यसको एक मिनेटपछि यौरी टिएलम्यानले गोल गर्दै खेल २–२ को बराबरीमा ल्याए।
निर्धारित ९० मिनेटमा थप गोल हुन नसकेपछि खेल अतिरिक्त समयमा पुगेको थियो। अतिरिक्त समयको १२५औँ मिनेटमा सेनेगलका लेमिन केमेराले पेनाल्टी क्षेत्रभित्र फाउल गरेपछि भीएआर परीक्षणमार्फत बेल्जियमले पेनाल्टी पाएको थियो।
यौरी टिएलम्यानले पेनाल्टीलाई सफलतापूर्वक गोलमा परिणत गरेपछि बेल्जियमले ३–२ को रोमाञ्चक जित निकाल्दै क्वार्टरफाइनलमा स्थान सुरक्षित गर्यो। पराजयसँगै सेनेगलको विश्वकप यात्रा भने समाप्त भएको छ।
© 2026 All right reserved to onlinenepal.com
Design & Developed By
