काठमाडौं । सह–आयोजक मेक्सिकोले फिफा विश्वकप–२०२६ मा उत्कृष्ट प्रदर्शनलाई निरन्तरता दिँदै अन्तिम–१६ (प्रि–क्वाटरफाइनल) मा स्थान सुरक्षित गरेको छ ।
राउन्ड अफ–३२ अन्तर्गत भर्खरै सम्पन्न खेलमा मेक्सिकोले इक्वेडरलाई २–० गोलअन्तरले पराजित गर्दै विश्वकपको नकआउट चरणमा आफ्नो यात्रा अघि बढाएको हो ।
मेक्सिको सिटी स्टेडियममा घरेलु समर्थकमाझ भएको खेलमा मेक्सिकोका लागि युलियन क्वीन्योनेस र राउल जिमिनेजले पहिलो हाफमै गोल गरे ।
दोस्रो हाफमा दुवै टोलीले थप गोलका लागि निरन्तर प्रयास गरे पनि कुनै पनि अवसरलाई सदुपयोग गर्न सकेनन् ।
यस हारसँगै इक्वेडरको विश्वकप–२०२६ यात्रा राउन्ड अफ–३२ मै समाप्त भएको छ ।
अब मेक्सिकोले क्वार्टरफाइनल प्रवेशका लागि अन्तिम–१६ मा इंग्ल्यान्ड र डीआर कंगोबीच हुने प्रतिस्पर्धाको विजेतासँग खेल्नेछ ।