Jun 20 2026 | २०८३, आषाढ ६ गते
20 Jun 2026 | शनिवार, आषाढ ६ गते २०८३
शनिवार, आषाढ ६ गते २०८३
Jun 20 2026 | २०८३, आषाढ ६ गते
20 Jun 2026 | शनिवार, आषाढ ६ गते २०८३
बिहिवार , मंसिर ६, २०८१
काठमाडौं । नेपाल प्रहरीका पूर्वडीआईजी छविलाल जोशीको काठमाडौंमा पनि बयान सकिएको छ ।
सहकारी संस्थाको रकम अपचलन प्रकरणमा पक्राउ परेका गोर्खा मिडिया नेटवर्कका पूर्वसञ्चालकसमेत रहेका जोशीको बिहीबार काठमाडौं जिल्ला सरकारी वकिल कार्यालयमा बयान लिइएको हो ।
काठमाडौंको कालीमाटीस्थित स्वर्णलक्ष्मी बहुउद्देश्यीय सहकारी संस्थाको बचत रकम अपचनल गरेको आरोपमा जोशीसँग बयान लिइएको बताइएको छ ।
सहकारी ठगी प्रकरणमै कास्की प्रहरीको हिरासतमा रहेका जोशीलाई मंगलबार बेलुका काठमाडौं ल्याइएको थियो । अब उनलाई शुक्रबार पोखरा पठाइने जिल्ला प्रहरी परिसर काठमाडौंले जनाएको छ ।
पोखराको सूर्यदर्शन सहकारी सहकारी संस्थाको बचत रकम अपचलन प्रकरणमा जोशी गत असोज ६ गते पक्राउ परेका थिए ।
उनीमाथि कास्की प्रहरीले अनुसन्धान गरिरहेको छ । उनीसँगै राष्ट्रिय स्वतन्त्र पार्टीका सभापति रवि लामिछानेमाथि पनि कास्की प्रहरीको हिरासतमा राखेर अनुसन्धान गरिरहेको छ ।
पूर्व गृहमन्त्रीसमेत रहेका रवि कात्तिक २ गते काठमाडौंबाट पक्राउ परेका थिए । उनलाई पनि अब केही दिनमा काठमाडौं झिकाएर बयान लिने प्रहरीको तयारी छ ।
अदालतले स्वर्णलक्ष्मी सहकारी प्रकरणमा लामिछानेविरुद्ध पनि पक्राउ पुर्जी जारी गरेको थियो ।
© 2026 All right reserved to onlinenepal.com
Design & Developed By
