Jun 19 2026 | २०८३, आषाढ ५ गते
19 Jun 2026 | शुक्रवार, आषाढ ५ गते २०८३
शुक्रवार, आषाढ ५ गते २०८३
Jun 19 2026 | २०८३, आषाढ ५ गते
19 Jun 2026 | शुक्रवार, आषाढ ५ गते २०८३
शनिवार , मंसिर २९, २०८१
काठमाडौं । अछामको मेल्लेख गाउँपालिकाका तत्कालीन प्रमुख प्रशासकीय अधिकृत धुर्व प्रसाद सापकोटा घुससहित पक्राउ परेका छन् ।
हाल नुवाकोटको किस्पाङ गाउँपालिकामा प्रमुख प्रशासकीय अधिकृतको रूपमा कार्यरत उनी शुक्रबार मुद्दा मिलाइदिन भन्दै अनुसन्धान अधिकृतलाई नै घुस दिन खोजेपछि पक्राउ परेका हुन् ।
मेल्लेख गाउँपालिकामा मेसिनरी सामान खरिदसम्बन्धी उजुरी (दर्ता नं. ८०८१-C-०३०६७३) को छानबिनका क्रममा अख्तियार दुरुपयोग अनुसन्धान आयोग, कञ्चनपुरले विस्तृत अनुसन्धान गर्दै सापकोटालाई नियन्त्रणमा लिएको अख्तियारका प्रवक्ता नरहरि घिमिरेले जानकारी दिए ।
अनुसन्धानको क्रममा सापकोटाले उजुरीसम्बन्धी कागजात पेश गर्न आएका बेला, उनले अनुसन्धान अधिकृतलाई हरियो झोलाभित्र रहेको पहेँलो खाम बुझाएका थिए ।
खाम खोल्दा त्यहाँ ३१ थान कागजातसँगै एक लाख नगद भेटिएको प्रवक्ता घिमिरेले बताए । सोधपुछका क्रममा सापकोटाले मुद्दा मिलाईदिनको लागि स्वेच्छाले ल्याएको भन्दै बयान दिएको बताइएको छ । उनलाई शुक्रबार अख्तियारको कार्यालय कञ्चनपुरबाट नियन्त्रणमा लिइ थप अनुसन्धान भइरहेको प्रवक्ता घिमिरेले बताए ।
© 2026 All right reserved to onlinenepal.com
Design & Developed By
