Jun 19 2026 | २०८३, आषाढ ५ गते
19 Jun 2026 | शुक्रवार, आषाढ ५ गते २०८३
शुक्रवार, आषाढ ५ गते २०८३
Jun 19 2026 | २०८३, आषाढ ५ गते
19 Jun 2026 | शुक्रवार, आषाढ ५ गते २०८३
बिहिवार , पौष ४, २०८१
काठमाडौं । नेपाल प्रहरीका केही अधिकारीहरू 'चेन अफ कमाण्ड' उल्लंघन गरेर व्यक्तिगत स्वार्थमा लागेपछि प्रहरी महानिरीक्षक बसन्तबहादुर कुँवर हैरान भएका छन् ।
राजनीतिक लबिङ गरेर अनावश्यक दबाब दिने प्रहरीलाई कारबाही गर्ने चेतावनी दिँदै उनले सर्कुलर जारी गराएका हुन् ।
प्रहरी महानिरीक्षकको सचिवालयबाट बुधबार जारी भएको सर्कुलरमा आफ्नो पदीय दायित्वअनुसारको काम नगरी व्यक्तिगत स्वार्थपुर्तिका लागि अनावश्यक दबाब र प्रभावको सिर्जना गरी आफ्नो जिम्मेवारीप्रति उदासिन रहेन गरी भएका गैरव्यावसायिक क्रियाकलापहरूप्रति गम्भिर ध्यानाकर्षण भएको उल्लेख छ ।
त्यस्ता प्रहरीलाई विभागीय कारबाही गरिने चेतावनी महानिरीक्षक कुँवरले दिएका छन् । पछिल्लो समय डिआइजी र एसएसपी बढुवामा प्रहरी महानिरीक्षक कुँवरले राजनीतिक दबाब झेलिरहेका छन् ।
कतिपय बदनाम प्रहरी अधिकारीले उच्च तहका नेताबाट निरन्तर दबाब दिएपछि यस्तो परिपत्र जारी भएको स्रोत बताउँछ ।त्यस्तै, केही एसएसपीहरू पनि सरुवाका लागि अस्वथ चलखेलमा लागेका छन् ।
काठमाडौं परिसर, काठमाडौं उपत्यका अपराध अनुसन्धान कार्यालय र ललितपुर परिसर जानका लागि एसएसपीहरूबीच चर्को प्रतिस्पर्धा छ ।
केही महिनाअघि पनि प्रहरी महानिरीक्षक कुँवरले यस्तै परिपत्र जारी गराएका थिए । तर, कारबाही हुन नसक्दा चेन अफ कमाण्डविपरीतका गतिविधि रोकिएका छैनन् ।
© 2026 All right reserved to onlinenepal.com
Design & Developed By
